Medisinsk avfall

Ved å sortere medisinsk avfall på rett måte, sikrar de avfallet mot uvedkommande og oppfyller lovkrava til handtering av smittefarleg avfall. For å verne liv og helse er det viktig å unngå at bakteriar som er immune mot mange typar medisinar, kjem tilbake til naturen og blir ein potensiell trussel. I tillegg er det viktig for å unngå forureining eller spreiing av smitte til menneske, dyr eller miljø.

Medisinavfall er legemiddel som ikkje er blitt brukt eller har gått ut på dato, inkludert ubrukt medisin i emballasje, samt medisinske restar i sprøyteposar, som ikkje er smittefarlege. Handtering av medisinavfall er underlagt eigne krav.

1. Sorter avfallet i behaldarar som eignar seg for lagring og transport.
2. Merk emballasjen slik at det kjem tydeleg fram at innhaldet er medisinavfall.
3. Ta kontakt med avfallsselskapet de har avtale med for å avtale henting av medisinavfall.

Stikkande og skjerande avfall, som sprøyter og kanylar, som ikkje er blitt brukt og som ikkje er smittefarleg.

1. Sorter avfallet i godkjende gule boksar.
2. Merk emballasjen slik at det kjem tydeleg fram at innhaldet er stikkande og skjerande avfall.
3. Ta kontakt med avfallsselskapet de har avtale med for å avtale henting av medisinavfall.

Smittefarleg avfall er avfall frå medisinsk behandling eller veterinærbehandling, undervisning, forsking og diagnostikk som sekret, blodprøveutstyr og kanylar. Handtering av smittefarleg avfall frå helse- og dyrehelsetenesta er regulert gjennom ei eiga forskrift.

1. Sorter avfallet i støtsikre og vasstette (gule) behaldarar som eignar seg for lagring og transport utan at det fører til smittefare og/eller fare for avrenning.
2. Merk behaldarar tydeleg med «smittefarleg avfall» og EAL-kode 180103 eller 180202 (som viser til opphavet til avfallet).
3. Smittefarleg avfall er farleg gods, og henting må de bestille separat til eit fastsett hentetidspunkt, etter avtale med sluttbehandlar.

Oppbevar alltid medisinsk avfall utilgjengeleg for uvedkommande.

Typiske produkt de sorterer som medisinsk avfall på jobb:

Medisinavfall

• Emballerte legemiddel
• Uopna legemiddel
• Medisinrestar i sprøyteposar/medisinglas
• Medisinar i flytande eller fast form

Stikkande og skjerande avfall

• Ubrukte sprøyter
• Ubrukte kanylar
• Ubrukte knivar og skalpellar
• Anna stikkande og skjerande avfall som ikkje er brukt

Smittefarleg avfall

• Sekret
• Bandasje/bleier brukte til pasientar med alvorlege infeksjonar
• Brukte kanylar
• Blodprøveutstyr
• Brukt stikkande/skjerande avfall
• Patologisk avfall, som materiale med blod, vevsprøver og andre biologiske prøver frå menneske eller dyr
• Brukte pacemakere

Typiske produkt de ikkje sorterer som medisinsk avfall på jobb:

Medisinavfall

• Radioaktivt materiale
• Farleg avfall
• Smittefarleg/infeksjonsframkallande avfall

Stikkande og skjerande avfall

• Stikkande og skjerande avfall som er brukt

Smittefarleg avfall

• Animalsk avfall, som dyrekadaver, slakteavfall, kassert mjølk osv.
• Ikkje smittefarleg avfall frå helsetenesta
• Ikkje smittefarleg avfall frå dyrehelsetenesta
• Medisinavfall