Glasemballasje

Glasemballasje kan bli gjenvunne uendeleg mange gonger utan å miste verdi. Resirkulert glas blir brukt som råstoff til glasopor og til å lage nye produkt og emballasje av glas.

1. Tøm alt innhald og skyll glasemballasjen i kaldt vatn.
2. Bruk eventuelt tørkepapir for å få vekk alt innhald.
3. Sorter glasemballasje i behaldarar/containerar på arbeidsplassen eller på avfallsrommet.
4. Avhengig av kva avtale de har, blir avfallet anten henta hos dykk, eller så leverer de det til næraste mottak.

Typiske produkt de sorterer som glasemballasje på jobb:

• Brus-, vin- og ølflasker av glas utan pant
• Glas som har inneheldt mat, til dømes syltetøyglas, glas for konservert mat o.l.
• Glasflasker eller glaskrukker som har inneheldt hudkremar, serum og oljer
• Annan emballasje av glas

Typiske produkt de ikkje sorterer som glasemballasje på jobb:

• Porselen og keramikk
• Krystallglas og andre drikkeglas
• Spegel
• Glas brukt til farmasøytiske og kjemiske formål