Avfall med ftalat

Ftalat er ein type stoff som blir brukt i ulike produkt, hovudsakleg som mjukgjerar i plast, særleg i PVC. Avfall med ftalat er farleg avfall og leveringspliktig.

Farleg avfall kan gjere stor skade på helse, miljø og dyr om det kjem på avvege (eller i restavfallet).

Finn avfallsselskap i kart →

Slik handterer de Avfall med ftalat på jobb

  1. Sorter avfall med ftalat separat frå anna avfall.
  2. Sørg for at emballasjen er tett og kan tole eventuelle påkjenningar under transport.
  3. Merk emballasjen tydeleg med “farleg avfall”.
  4. Dokumenter opphav, kvalitet og type avfall. Deklarasjonsskjema og rettleiing til korleis de gjer dette, finn de på avfallsdeklarering.no.
  5. Avhengig av kva avtale de har, blir avfallet anten henta hos dykk, eller så leverer de det til godkjent mottak.


Typiske produkt de sorterer som avfall med ftalat på jobb:

  • Golvbelegg (t.d. vinylbelegg) og takbelegg
  • Kablar og leidningar
  • Fugemasse
  • Understellsbehandling av bilar
  • Membranar for våtrom


Dersom produktet har ingrediensliste, kan du sjå etter:

  • Phthalate
  • Di(2-ethylhexyl)phthalate
  • Di(2-etylheksyl)ftalat
  • Dietylheksylftalat
  • DEHP


Typiske produkt de ikkje sorterer som avfall med ftalat på jobb:

  • Anna avfall
  • Anna byggavfall