Elektronikk

Elektronikk består av komponentar som kan innehalde miljøgifter. Riktig sortering bidrar til å hindre at miljøgifter slepp ut i naturen eller fører til skade på menneske og dyr.

Sorter elektronikk i ulike typar:

• Varme- og kuldeutstyr (kjøleskap og frysarar)
• Skjermar (TV- og PC-skjermar)
• Større elektriske produkt (ytre mål over 50 cm)
• Mindre elektroniske produkt (ytre mål under 50 cm)
• Mindre IT- og telekommunikasjonsutstyr (ytre mål under 50 cm)
• Stort industrielt utstyr
• Store industrielle kablar

1. Oppbevar elektronikk i behaldarar som er eigna for lagring og transport, slik at det ikkje knuser.
2. Lever elektronikk til mottak som har avtale med godkjent returselskap for elektronisk avfall.
3. Det er gratis å levere næringsavfall til forhandlarar av elektronikk, ved nykjøp av tilsvarande mengde.

Typiske produkt de sorterer som elektronikk på jobb:

• Varme- og kuldeutstyr: Kjøleskap, frysarar, klimaanlegg og liknande
• Skjermar: TV-apparat, digitale fotorammer, monitorar
• Større elektriske produkt (ytremål over 50 cm): Vaskemaskinar, tørketromlar, oppvaskmaskinar, elektriske kokeapparat, elektriske komfyrar og liknande
• Mindre elektroniske produkt (ytre mål under 50 cm): Ioniske røykvarslarar, lysarmatur, støvsugarar, tepperensarar, symaskinar og liknande
• Mindre IT- og telekommunikasjonsutstyr (ytre mål under 50 cm): Mobiltelefonar, GPS-ar, kalkulatorar, routerar, datamaskinar, printerar og liknande
• Stort industrielt utstyr: Store fastmonterte installasjonar som heisar og rulletrapper, industrielle maskinar som ikkje er veikøyrande, transformatorar og liknande
• Store industrielle kablar: Alle typar kablar og leidningar

Typiske produkt de ikkje sorterer som elektronikk på jobb:

• Farleg avfall
• Blybatteri, til dømes bilbatteri
• Anna avfall