Løysemiddel
Løysemiddel er ofte klare væsker med sterk lukt. Det svir i auga, gir hovudverk og kvalme. Kjem på flasker eller kanner.
Vanlege løysemiddel utan halogen: white spirit, tynner, rødsprit, lynol, tennvæske, vindusspylervæske, avisningsvæske terpentin, alkoolder, aceton osv.
Vanlege løysemiddel med halogen: perkloretylen fra renseri, kloroform, trikloreten, triklormetan
Kvifor sortere løysemiddel?
- Leveringsplikt: Løysemiddel er farleg avfall og det må de levere til godkjent mottak.
- Helsefare/miljøfare: Innanding av damp frå løysemiddel kan gi hjerneskadar og skadar på indre organ.
- Sluttbehandling: Blir sendt vidare til forbrenning i eigna anlegg.
Slik handterer de Løysemiddel på jobb
Løysemiddel er farleg avfall og må bli sendt til deklarering. Løysemiddel med og utan halogen må bli sendt til deklarering kvar for seg.
- Unngå å puste inn damp frå løysemiddel.
- Bruk verneutstyr ved handtering.
- Sørg for tett emballasje og oppbevar på ein stad med god ventilasjon.
- Unngå flammar og gnistar.
Merk emballasjen med kva det inneheld, dersom løysemiddelet ikkje blir oppbevart i originalemballasjen.